Descubrindo o noso patrimonio 1z1k

No programa "Descubrindo o noso patrimonio" con Cristian Lago conversamos Pozo Vaqueiro (Rebordáns) e contamos unha teoría sobre a presenza da sociedade prehistórica neste lugar Programa que se redifundirá ás 15.30 h de hoxe xoves na sintonía da Radio Municipal de Tui.

No programa "Descubrindo o noso patrimonio" con Cristian Lago afondamos nunha das figuras máis poliédricas da nosa historia: Manuel Lago González. Detémonos máis na súa faceta literaria e en defensa da lingua galega, sempre preocupado pola causa social, as súas composicións abordan temas da vida cotiá dos labregos, aínda que tamén lle escribiu á paisaxe, á invernía, á primavera e ao seu querido Tui. Este programa refundirase ás 20 h de hoxe xoves na sintonía da Radio Municipal de Tui.

No programa "Descubrindo o noso patrimonio" con Cristian Lago conversamos sobre un microtopónimo que, por moi empregado, non deixa de ser curioso: Matasogras (Guillarei). Programa que se redifundirá ás 20 h de hoxe venres na sintonía da Radio Municipal de Tui.

No programa "Descubrindo o noso patrimonio" con Cristian Lago coñecemos hoxe a orixe e a historia do acueduto da Porteliña, en Pazos de Reis. Programa que se redifundirá ás 20 h de hoxe mércores na sintonía da Radio Municipal de Tui.

O programa "Descubrindo o noso patrimonio" cumpre un ano, e hoxe celebrámolo cun tempo especial da radio no que con Cristián Lago repasamos os descubrimentos que da súa man fomos realizando ao longo dos últimos doce meses dende o sártego de San Telmo do que nos falou o 4 de abril de 2024 até a Pedra do Aire que centro o espazo hai quince días. Tamén recibimos suxestión dos oíntes para vindeiros programas.

No programa "Descubrindo o noso patrimonio" con Cristian Lago coñecemos a orixe e a tradición cultural en torno á pedra do aire, no monte de Seixos Albos (Areas). Programa que se redifundirá ás 20 h de hoxe xoves na sintonía da Radio Municipal de Tui.

No programa de hoxe de "Descubrindo o noso patrimonio", percorremos con Cristian Lago diversos espazos onde as mulleres tiveron protagonismo e especial relevancia a través dos anos, e de como ese papel posibilitou a conservación de elementos patrimoniais e de tradición oral. O de hoxe é o primeiro programa que se redifundirá en directo ás 20 h da tarde, na sintonía da Radio Municipal de Tui.

A historia, curiosidades e segredos dos Muíños do Regueiro, na parroquia tudense de Paramos centrou hoxe o tempo que compartimos con Cristian Lago en "Descubrindo o noso patrimonio".

Hoxe, no noso espazo "Descubrindo o noso patrimonio", coñecemos con Cristian Lago todos os segredos da Áncora da Praza da Armada. Incluso, un misterio en relación a este monumental elemento.

Hoxe centramos a nosa sección "Descubrindo o noso patrimonio" na romaría de San Xulián que se celebrará o próximo luns 27 de xaneiro no Monte Aloia. Cristian Lago revelou algún dos segredos desta tradición.

Entre lendas e historias, hoxe centramos a nosa sección "Descubrindo o noso patrimonio" na Capela da Virxe do Camiño, en Rebordáns. Cristian Lago desvelou algúns dos seus segredos.

A sección "Descubrindo o noso patrimonio" de hoxe estivo protagonizada polo Nadal. Cristian Lago achegounos varias tradicións destas datas relacionadas co calor do fogar, a gastronomía e a festa.

Hoxe, no espazo de Descubrindo o noso patrimonio, Cristian Lago falounos sobre a Capela do Anxo en Pazos de Reis. Repasamos a súa historia e a súa importancia no ámbito social.

Hoxe, no tempo de Descubrindo o noso patrimonio, Cristian Lago falounos do Balneario de Caldelas, un lugar cunha historia marabillosa, e da importancia da figura de Antonio Oliver.

Hoxe, no tempo de Descubrindo o noso patrimonio, Cristián Lago falounos da Corredoura, en Pexegueiro, un lugar situado á beira do río Furnia que conta cun interesante conxunto etnográfico: a Ponte Nova da Corredoura, o serradoiro, dous muíños e unha represa.

En "Descubrindo o noso patrimonio", nesta véspera de difuntos, Cristian Lago falounos da Cruz de Romero. Contounos que é un monumento funerario en recordo a Manuel Romero Fernández, un rapaz que faleceu nun tráxico accidente na canteira do seu pai no ano 1932. É un conxunto, con cruz e lápida a modo de tumba aínda que sen sepulcro situado no monte comunal de Ribadelouro.

Os pombais rexistrados no termo municipal de Tui (dous en Malvas e un en Randufe) centraron o tempo de Descubrindo o noso patrimonio o 17 de outubro no programa Día a Día. Cristian Lago descubriunos que eran un signo de distinción e de elevado estatus social. A súa funcionalidade era a de cría de pombas para o seu aproveitamento gastronómico.

O penedo da Malladoura (Baldráns) centrou o tempo de Descubrindo o noso patrimonio o 3 de outubro no programa Día a Día. Cristian Lago descubriunos que este é un afloramento granítico cunha superficie de preto de 300 metros cadrados, que no seu día foi empregado para mallar e pór a secar o cereal (principalmente trigo e centeo).

O barrio de San Bartolomeu centrou o tempo de Descubrindo o noso patrimonio o 19 de setembro no programa Día a Día. Cristian Lago descubriunos que este é un barrio singular na organización do territorio municipal de Tui, porque está a medio camiño entre o rural e o urbano.

Industria Cerámica en Guillarei centrou o tempo de Descubrindo o noso patrimonio o 5 de setembro no programa Día a Día. Cristian Lago falounos das orixes desta industria, do porqué se asentou neste lugar, e tamén, da repercusión socio-económica que tivo. Na actualidade, están catalogadas 3 chemineas na Gándara como elementos de arquitectura industrial con valor histórico e patrimonial.