Dena irailerako | Naiz Irratia 2s6m5d

Gaizka Izagirrerekin 'Bella Italia'-ko hainbat kokaleku ikusi ditugu, garai desberdinetakoak, zinemagintzaren ikuspuntutik.

Nerea Baldak ipuin bildumak ekarri dizkigu gaur, azpimarratuz ipuinak ez direla soilik haurrentzat. Horrela eman dio bukaera 'Udakurketak' tarteari.

Lander Garrok saioaren zirkulua ixten lagundu digu. Ez da bere liburuaz hitz egitera etorri, baizik eta laguntasunagatik etorri da.

Etzi, jada, ez gara hemen egongo. Errealitate izatetik, oroitzapen izatera pasatuko gara. Eguzkiak han goian gailurretako elurra urtzen duen bezala, urtu egingo gara gu. Hostoak negar tanten moduan erortzen diren bezala, eroriko gara gu. Ezingo dugu zuentzat ilargia lapurtu gauero, itsu egongo zaretelako gure argia ikusteko.

Robert Altmanen 'Short cuts' filmean, protagonistak, 22 pertsona inguru, elkarren artean erlazionatzen dira. Batzuk zuzenean, beste batzuk zeharka, baina nola edo hala beraien artean harremana daukate. Birusaren hedapenaren kontu honi, haren antza hartzen diot. Gure harremanen haritik tiratuz, egunaren, astearen, amaierarako zenbat pertsonekin izan dugu interakzioren bat? Askorekin, ziur aski, maila desberdinetan.

Nerea Arriolak lortzen du, inork baino hobeto, bere haserrea umore bilakatzea. Gaur, etxetik. Hori baita bere normalitate berria.

Kimok eta Urko Rodriguezek hainbat hilketen berri eman digute ,eta musika piezekin lotu 'FMerideak' tartean. Halere, zer arraio de 'sample' bat?

Eider Iruretagoienari eskertu behar diogu, berriz ere, gurekin egon izana. Bazkaria geratu zaigu zintzilik!

Gure saioaren izenak kutsu… 'geroratzailea' duen arren, hementxe gaude egunero bezala, puntual. Ez zaitezte korrika joan hiztegira 'geroratzaile' hitza begiratzera. Esango nuke, ez dela existitzen. Existituko balitz, hau litzateke beharbada definizioa: gauzak gerorako uzteko gaitasuna. Asmatu egin dut, noski.

Elena Belokik COVID-ak munduan maila guztietan ekar ditzakeen aldaketak azaldu dizkigu, 'Zilborretik at' atalean.

Iñigo Arandiak 'Basabizitzaren deia' atalean benetan egoera deserosoez (edo ez) pentsatzen jartzen gaitu. Distopiak harremanen munduari ere eragingo diola ematen du… Maiteminduko zinateke 'lovebot' batez?

Naroa Iturrik eta Ekhi Atorrasagastik lantaldea emakumez osatzeak dakartzan abantailak azaldu dizkigute, eta, horrez gain, Hamaika Telebistaren datorren kurtsorako asmoak kontatu dizkigute.

Mikel Chamizorekin aritu gara bere sormen bitxiez hizketan; itxialdiko denbora aprobetxatuz sortu zuen 'Under lockdown' proiektuaz, besteak beste. Julio Cesar Brown eta Angel Errorekin kolaboratu du proiektua sortzeko.

Gaur hasten da gure atzerako kontaketa partikularra. Azken astea dugu hau, atea hasi zaigu muturren aurrean ixten. Denoi kostatu egiten zaigu gauzak itxi eta atzean uztea, bizitzan ezeri eustea posible balitz bezala. Haurtzaroari eutsi nahi diogu, gaztaroari, edertasunari... eta, azkenik, bizitzari berari ere bai, hori posible balitz bezala.

Traolak eta Trolak atala gidatzen badu ere, hori da Ibai Fresnedoren nahia. Azken egunotako traol-hitzak ekarri dizkigu: Pepa Flores, Nekane Murga, 'Giraldillak'...

'Jarrai' antzerki taldearen hastapenak azaldu dizkigu Olatzek gaur, 'Bizitza amets' atalean. Gure artxiboetan arakatzeko garrantzia azaleratu du, gure arbasoek egindako lanari esker baikaude hemen besteok. 'Teknikariok' sindikatuaren sorreraz eta borrokaz ere aritu gara.

Egiten ari zarena egiten ari zarela ere, zuretzat pentsatutako irratsaioa da hau. Irratiak baduelako abantaila nagusi bat, alegia, beste ezer egiten ari zaren bitartean entzun gaitzakezula mikrofonoaren alde honetan gaudenoi. Zaila egiten zaigu irudikatzea zertan ari zareten une honetan. Irratia piztea erabaki duzuenok etxetik kanpo lanean ari ote zarete? Hala bada, irratia entzunez laneko ordu luzeak arintzea espero dugu.

Gaurkoan Tarantinoren lekuak ikusi ditugu. Ondoren, Ozark-eko laku ilunetara joan gara. Dublinen pinta bat hartu dugu "Normal people"-ekin, eta, azkenik, Chernobylera ez joateko gomendio irmoa egin digu Gaizkak. Bidaiatu nahi?

Nereak lau irakurgai ekarri dizkigu gaur, guztiak ere nola edo hala familiaren iraganarekin lotuak. Gai beldurgarri bezain interesgarri eta garrantzitsua gure bizitzetan.

Andoni Mendizabalek azaldu digu teknikarien egoera inoiz baino kezkagarriagoa dela egun. Sortu berri duten sindikatuaren, Teknikariok izenekoaren, helburuez hitz egin digu.