Dena irailerako | Naiz Irratia 2s6m5d

Anestesia taldean egin zen ezagun Mikel Kazalis (Zarautz, 1968). Baina oraingoan, batere anestesiarik gabe, gordin-gordin, kontatu digu bere azken urteetako bizimodua. Musikan jarraitzen du buru-belarri, baina minbiziari aurre egin behar izan dio, pandemiaz gainera, zarauztarrak.

Guztiak du amaiera bat eta iritsi da 'Dena Irailerako' saiorean 2021eko denboraldia agurtzeko unea ere. Umorez, gogotsu baina beste alde batetik ere triste agurtu behar izan dugu elkarren arteko harreman estuak tarteko.

Gainera iritsi zaigu iraila, baita Iker Plazaola kolaboratzailearen tartea eta Eider Iruretagoienaren asteroko kolaborazioa ere. Gonbidatuen tartean, Anestesia taldeko Mikel Kazalis gonbidatu dugu gurera, musikaz eta bizirauteaz hitz egin ahal izateko.

Koldo Garcia biologo konputazionala da eta pandemiaren bilakaera honetan, talde immunitate hitza gaizki erabili dela adierazi du 'Dena Irailerako' saioan. Horrenbeste kriminalizatu diren gazteek ere lan azpimarragarria egin dutela gogorarazi nahi izan du.

Abuztuko azken egun honetan barre eta barre aritu gara lehen ordu tartean Iker Plazaola eta Nerea Arriola kolaboratzaileekin batera. Koronabirusaren gaiari heldu diogunean ordea, seriotasunez jorratu dugu Koldo Garcia biologo konputazionalarekin.

Jon Aguirre arkitekto eta paisajista donostiarra izan da gaur 'Dena Irailerako' saioan, eta arkitekturaren nahiz hirigintzaren katebegi asko landu ditu. Etorkizunera begira ez daude prest etxebizitzak ezta hiriak edota herriak ere Aguirreren esanetan, aldaketa bat nahitaezkoa da.

Denboraldiko azken astelehena burutu dugu gaurkoan, Iker Plazaola eta Nerea Balda kolaboratzaileek bat egin dutelarik gurekin. Jon Aguirre arkitektoarekin zerbait gehiago ikasteko aukera ere izan dugu eskainitako elkarrizketa bikainari esker.

Psikologoa izateaz gain hezitzailea ere bada Eider Iruretagoiena eta 'Dena Irailerako' saioan aurkezten du astero 'Izaki Emozionalak' bere tartea. Gaur egungo gizartean Asertibitatea eta asertzio-jokabidea nola topatu edota aplikatu irakatsi nahi izan digu.

Ez ditu onura gutxi, gustura egiten den lan batek eta horregatik, umoretsu ekiten diogu guk egunari. Ike Plazaolari esker, barrez hasi dugu eguna, Eider Iruretagoienarekin zenbait galderei erantzunaz eta Alaine Agirrerekin berriz literatura kontuez hizketan.

Mundu osoko biztaleriaren erdia baino gehiago dira emakumeak, baina badira oraindik ere bigarren maila batean ezartzen dituzten lurraldeak. Afganistan jarri du adibide Ainara Garciak, horren urrun joan gabe gurean ere adibide asko daudela baieztatu du.

Astearen ekuatorera iritsi gara gaurko honetan eta edukiak ez ditugu faltan izan. Egunero ez gara umoretsu egoten eta gaur Iker Plazaola triste etorri zaigu. Urko eta Kimok ordea alaitu digute goiza beraien kantuekin eta Ainara Garciak emakumeen inguruan hitz egin digu.

Editore izateko oso gaztea dela esan genezake Uxue Razkin, baina gustuz eta pasioz egiten den lan batek ez duela mugarik guztiok dakigu. Erein argitaletxean burutzen du bere egunerokotasuna eta esperientziaz hitz egin nahi izan digu.

Saioa hasi eta konturatzerako agurtzeko ordua iristen zaigu, ongi pasatzen dugunaren seinale izango dela pentsatzen dugu. Iker Plazaola eta Nerea Arriolarekin seguru baietz, eta ez da gutxiago izan Uxue Razkin editorea gonbidatu izanda gaurko honetan.

Asteburu osoan zehar izan dugu hizpide eguraldia denok, nahiz eta aste osoan aipatzeari ere ez diogun utziko. Astelehen baten antzera, Iker Plazaola eta Olatz Beobide kolaboratzaileez gain, Lara Izagirre zuzendariak ere egin du bat gurekin.

Laster argia ikusiko duen azken lanaren inguruan hitz egiteko gonbidatu dugu Lara Izagirre zine-zuzendaria 'Dena Irailerako' saiora. Gure gonbita onartu eta elkarrizketa bikaina egiteko aukera izan dugu xehetasun gehiago ezagutu ahal izateko.

Ostegun batek ere, baditu erromantiko izateko zenbait arrazoi eta ligatzeko aukerak beti daude mahai gainean. Iker Plazaola, Urko Rodriguez, Kimo eta Itziar Eguren izan ditugu gaurkoan 'Dena Irailerako' saioko bidelagun.

'Dena Irailerako' saiora gonbidatu ditugu asteazken honetan Euskal Herrian esperientzia luzea duten aktoreetako bi. Miren Gojenola eta Mikel Laskurain, ogibide duten mundu artistikoak jasan duen aldaketaz hitz egin nahi izan dute gurean beraien hastapenetatik hasiaz.

Asteazken batek berezi izateko, ez du askoren beharrik betiere 'Dena Irailerako' saioa entzuteko aukerarik baldin bada. Gurera batu dira gaurkoan ere Iker Plazaola eta Eider Iruretagoiena kolaboratzaileak. Gonbidatuen tartean berriz, Miren Gojenola eta Mikel Laskurain izan ditugu.

Eduardo Gaviñak oso gertutik ikusten du Euskal Herrian ere, ezberdina dena onartzea kosta egiten zaigula. Estereotipo edota aurreiritzi horien aurka egiten du berak Yogurinha Borova modura, eta gehiago ezagutzeko aukera izan dugu 'Dena Irailerako' saioan.

Asteko bigarren saio honetan ere barre ugari egin dugu Iker Plazaola eta Nerea Arriola kolaboratzaileekin batera. Baina gai serioagoei ere eskaini diegu aukera Yogurinha Borova gonbidatuarekin batera.