Gurpilean 535ft

Txirrindularitza mundua trantsizioan dagoen zantzuak daude. Afizionatu mailan ibili ere gabe, Juniorretan goia jo eta zuzenean profesional izatera igaro diren ziklisten kasuak bat baina gehiago dira. Bi kasu  azpimarratu ditugu Gurpilean podcastean. Juan Ayúso Espainiarraren bata; Europa osoan modan dago. Izan ere, 18 urterekin Girino-a irabazi du eta World tourrean debutatzera doa. Berau gertutik ikusi du Italian Mikel Gaztañaga Laboral kutxako zuzendariak. Euskal Herrian berriz, Igor Arrieta ari da nabarmentzen eta gaztearen esku utzi dute profesionaletara noiz pasa erabakitzea. Egoi Martinez da bere ordezkaria. Orain, Mikel Gaztañaga eta Egoi Martinezek ez dute garbi ikusten 18 urterekin profesional badira, zenbat iraun dezaketen  profesional mailan.  

Iparraldean ere bada afizionatu mailan lehiatzen den txirrindularirik eta haiei eskainiko diogu Gurpilean podcastaren hamabigarren atala. Uztaritzekoa da Akitaniako  txapeldunaren eta haren eskutik jasoko dugu iparraldeko euskal ziklisten egunerokoa eta , bide batez, ipar eta hegoaldeko afizionatu mailaren ezberdintasunen berri jaso  . Eulen taldeko Patxi Darthayette-n gurpilean jarriko gara.

Gurpilean Podcastean Euskadiko afizionatu mailako txirrindularitza txapelketa aztergai. Eulen taldea, ardura hartzeko prest da gaur gaurkoz. Dabid Etxebarria taldeko zuzendariak garaipen anbizioa eskatzen die txirrindulariei. Debuteko urtean garaipena lortutakoa da Laboral Kutxako Enekoitz Azparren, eta bigarren garaipenaren bila dabil. Euskadiko txapelketaren aitzakian Eulen taldea eta Enekoitz Azparrenekin  solasean osatu dugu gaurko atala.

Girino-an  bi euskal talde lehiatuko dira aurten, Caja Rural-Seguros RGA eta Laboral Kutxa. Itzuli hau da hogeita hiru urtez azpiko txirrindularientzat  Etorkizuneko Tourra-rekin batera dagoen lehiaketarik handiena. Caja Ruralek ezagutzen du itzulia dagoeneko, aldiz Laboral Kutxa aurreneko aldiz  doa Italiako itzulira. Kontinental mailako taldeekin eta datorren urtean World-Tourreko txirrindulari izango direnekin lehiatuko dira bertan. Gurpilean podcastean, Girino-ko Itzulia bera eta Italiara eramango duten taldea aztertu ditugu Iñigo Altuna, Caja Rural-eko Staffeko kidearekin eta Mikel Gaztañaga, Laboral Kutxako zuzendariarekin.  

Afizionatuetatik profesionaletarako urratsa emateko,  Noiz dago prest ziklista bat?, zer gabezia izaten dituzte profesionaletara heldutakoan?, zer landu beharko litzateke afizionatuetan hobeto eta azkarrago egokitzeko maila gorenera?. Bi ertzetatik egin ditugu galderak podcastean.  Xabier Muriel,  Caja Ruraleko zuzendari eta prestatzaileak  zuzendari ikuspegitik aztertu  digu gaia. Xabier Mikel Azparrenek, aldiz bizikleta gainetik. Izan ere, Euskaltel Euskadiko txirrindulariak aurten egin du  profesionaletarako urratsa eta hurbileko  ikuspegia du aztergaiaz. 

Beñat Intxausti txirrindulari ohiaren gurpilean jarriko gara aste honetako podcastean. Ziklista profesional ohia, Eiser Hirumet taldeko zuzendaria da egun eta haren esanetara dagoen  Imanol Alvarez txirrindularia, Abiatzen torneoan líder jarri da. Igandean Iturmendin eta maiatzaren 22an Beasainen jokatuko diren lasterketek erabakiko dute torneoa. Imanol Alvarez buru eta bi puntura Unai Iribar. Iturmendiko lasterketan Nafarroako txapela jokatuko da, bi faboritoekin hitz egin dugu: Laboral Kutxako Ailetz Lasa eta Lizarte-ko Mikel Retegi. Biak, Igor Arrietarekin batera tituluaren bila dabiltza.

Unai Iribar txirrindulari gipuzkoarrari eskainia Aste honetako Gurpilean podkasta. Nabarmentzen ari da afizionatuen denboraldia. Emaitzak ez ezik, profesionaletara igarotzeko prest dagoela erakusten du bere jarrera eta aldarteak. Legazpiko garaipena, denboraldi hasiera on bati errematea jartzea izan da, Unai Iribar txirridularia berarekin aztertu dugu lasterketa hori. Bere zuzendari eta prestatzaile izan direnak ere eman digute iritzia. Xabi San Sebastian junior mailako zuzendaria; Iurgi Altuna afizionatuetako lehen zuzendarietako bat eta Jorge Azanza bi urteotako prestatzailea.

Aste honetako Gurpilean lau solaskide elkartu ditugu. Xabier Murias, Lazkaon errepideko lehen garaipena lortu duen  ziklokroslaria abiatzeko. Jon Lazkano gero, Laboral Kutxako zuzendaria. Hiru garaipen lortu dituzte, eta horietako bitan eskutik helduta iritsi nahi izan dute  Laboral Kutxako bi txirrindularik eta ez da ohikoa izaten. Valladoliden, Espainiako kopako lasterketan afizionatuetako posturik onena lortu du  berriz Eulen taldeko Iñigo Eizagirrek. Karrera horretan bertan, 110 km bakarrik egin ditu lasterketa buruan Diego Uriarte Lizarte-ko  txirrindulariak. Denekin hitz egin du Arritxu Iribarrek 

Markina eta Duranako lasterketen ondoren Unai Iribar, Laboral Kutxako txirrindulariarekin aztertu dugu karrera. denboraldiko lehen garaipena lortu bai du. Markinan ihes egin zuen karrerako 5. kilometroan eta ibilbideko  103 km  bakarrik egin zituen,helmugarako 2 kilometro falta zirela harrapatu zuten. Irabazteko aukera duenak horren goiz ihes egitea ez da askotan gertatzen eta karreraren planteamendua aztertu dugu. Asteko berri ona ere hizpideetan. Izan ere, Laboral Kutxa Girino-ra gonbidatu dute, Etorkizuneko Tourra-rekin batera, afizionatu mailako itzuli handienera. Mikel Retegi beste gonbidatua.Lizarte taldean Igor Arrietarekin batera  proiekzio gehien duen euskal ziklista da. Denboraldi hasiera bikaina egiten ari da, Amorebietan irabazi, Markinan 2. eta Duranan 6.  Electro Alavesa Arabako talde bakarra da eta Duranan 7. egin du  Oier Aaldamak.  Espainiako kopan aldiz, Telcom taldeak lortu duen garaipena Timo de Jong-ekin; Orkatz Amutxastegi zuzendariak garaipen honek taldearentzat eragin duena nabarmendu digu.

Balentziagaren omenezkoa, afizionatu mailako Estatuko lasterketarik garrantzitsuena aztertu dugu  Gurpilean podcastean. Profesionaletarako erakusleihoa da eta estatuko talderik onenak, dituzten  txirrindularirik onenekin lehiatzen dira. Lizarte-k erakustaldia eman du eta taldeko zuzendaria, Jon Armendariz  eta lasterketan  bigarren sailkatu den Igor Arrieta elkarrizketatu ditugu, etorkizun handieneko euskal ziklista. Lizarte-ri dena ondo atera bazitzaion, Laboral Kutxari ez; Unai Iribarrekin gertatutakoa aztergai. Eiser-Hirumet-eko Imanol Alvarezekin  bere aldaketaz hausnartzen aritu gara. 

Gorla-ko igoera ez da edozein lasterketa, iaz ezerezean geratu behar izan zuen halabeharrez, baina 2021ean burutu ahal izan  da segurtasun neurri guztiak betez. Eta aurtengo edizioa aztertu dugu bi txirrindulari afizionaturekin. Asier Etxeberria da bata (Laboral Kutxa); 2019an bigarren egin zuen eta  aurten faborito da. 2019an junior mailan Gorlan nagusitu zen  Igor Arrieta Lizarte eta txirrindularia  faboritoen artean lehiatu da aurten baina  afizionatuen artean dagoeneko. 

Txirindulari afizioatuen artean, Marc Brustenga nabarmentzen ari da denboraldiaren  hasieran. Gertutik ezagutzen du bera Delco- Marsellako zuzendariak, Gorka Gerrikagoitiak. Taldearen neguko kontzentrazioan izan zen aurreko denboraldian eta  profesional on bat izango dela aurreratu digu. Brustenga Caja Rural-Seguros/ RGA taldeko ziklista da, bertako prestatzaile eta zuzendariak, Xabier Murielek Aiztondoko klasikoa nola prestatu zuten argituko digu podcastean eta karreraren garapena ikusita, nola joan ziren erabakiak hartzen.\nAiztondo klasikan Telcom taldeak erasora  egin zuen lasterketa  eta bere txirrindulari bat, Miquel Valls bigarren sailkatu zen; 75 km ihesi joan  eta 2 km faltan gainditu zuen Brustengak. Vallsen taldekidea da Aitor Garmendia. Aiztondo klasikan zituzten aginduak azaldu dizkigu. 

Pandemiak oztopo ugari jarri dizkio kirolari ere. Txirrindulari afizionatuen klasikoak, hamaika oztopo gainditu behar izan dituzte. Aiztondoko klasikoa izango da denboraldiko lehena eta  ziklistak ia prestatzeko modurik gabe aurre egin behar izan diote. Antolatzailea da Xabier Usabiaga.\nBidasoako itzulia bidean geratu diren frogetakoa da eta  Antton Mendia lasterketako zuzendariak arrazoiak argitu dizkio Arritxu Iribarri.\nAfizionatuen denboraldi hasieran, Caja Rural - Seguros RGA nabarmendu da. Bi garaipen lortu ditu Brustenga-k. Iñigo Altua staff-eko kidea pozik azaldu zaigu Podcastean.\n\n