Diario Cultural | Mañá dm3f

“Son afortunado por poder unir música e historia e moi agradecido pola resposta da xente” Achegámonos ata Castro de Rei con Vituco Neira para conversar con Abram Cupeiro, que mañá arranca xira en Ourense con ‘Loira’ e as entradas esgotadas. Afonso Becerra comenta 'Baleiro' de Ensalle Teatro

Recibimos a visita do profesor Agustín Agra para nos presentar a súa novela última: ‘Libro das contrarias’. Moncho Lemos comenta dúas estreas cinematográficas para esta ponte festiva: ‘La buena letra’ e ‘Bienvenido a la montaña’

Carballo Interplay celebra a súa duodécima edición consolidado como referente dos contidos dixitais e a creatividade en galego. Afonso Becerra comenta ‘Cicatriz’, de Kirenia Rodríguez e Antón Reixa

Felicitamos a  Fernando Castro Paredes, flamante gañador do Premio Galaxia de Novela 75 Anos, por ‘O lanzador de coitelos’ En Vilalba arranca este venres unha nova edición do FIV, que nos debulla Vituco Neira . E Moncho Lemos tráenos dúas estreas: *‘El último suspiro’ e «A Foreign Song»

O Auditorio de Galicia acollerá este domingo a Gran Gala do Circo, que correrá a cargo de Pistacatro. Conversamos con José Expósito, o seu xerente e con Antón Coucheiro, pallaso e presentador do espectáculo Dolores Vilavedra comenta «As augas interiores» , de Blanca Riestra.

Afonso Becerra comentou 'As aventuras de Nabiza Girl: O estraño caso da Cultura Minguante', da actriz Isabel Risco.

E chegou Berta Franklin, co seu pop delicado e escuro. Desde Lugo, composta por cinco musicazos con bagaxe previa en varias bandas patrias, o grupo presentábase hai case unha década cunha amálgama de sons que tenta crear unha experiencia sensorial no oínte; un convite a descubrir un son propio e coidado que resulta da fusión de rock, soul, psicodelia ou new wave. Dous anos despois do seu último lanzamento, a banda lucense publica “Cinco” (2025), unha quinta referencia composta, tamén, por cinco cancións, producida por eles mesmos. Voz experta: Moncho Lemos. Estreas cine: 'Confidencial (Black bag)' e 'El casoplón'

O ciclo ‘De Lugares e Órganos’ chega á súa décima edición. Os órganos das igrexas da Universidade, San Paio, Santa Clara e, por vez primeira, o do convento do Carme, fan parte da programación musical desta Semana Santa en Compostela. E Raquel C. Pico fálanos dun doce típico destas datas

‘Rosalía en Fonseca. O xardín da revolución’ Exposición no claustro alto de Fonseca, en Compostela. Vituco Neira conversa con María do Cebreiro, unha das responsables da mostra Dolores Vilavedra comenta o poemario de Yolanda Castaño ‘A falsa autónoma’

Darío Villanueva lembra a Mario Vargas Llosa, finado onte aos 89 anos. Galicia Nomeada é unha plataforma colaborativa para a recolleita, xeorreferenciación e difusión da microtoponimia galega e de toda a tradición oral asociada. Conversamos co seu coordinador, Vicente Feijoo. E con Carlos Crespo coñecemos as interioridades da produción musical.

Xa está en tódalas plataformas ‘Esclavos do baile’, o novo dos muradáns Lisdexia. Afonso Becerra está en Dansa València

 “Amar a(mares)”, unha compilación de obras da  artista coruñesa Julia Ares, comisariada por Luz Darriba. Ares leva décadas desenvolvendo un traballo singular con vidro fusionado, con pezas que están entre a pintura, a escultura e mesmo a arquitectura No Museo Provincial de Lugo ata o 31 de maio. Moncho Lemos recomenda dúas películas para ir ao cine esta fin de semana: ‘Un funeral de locos’ e ‘La niña de la cabra’.

A Xunta homenaxea con ‘Rafael Úbeda. Visión retrospectiva’ as máis de sete décadas de creación artística dun imprescindible da cultura galega, que aos 93 segue en activo. Raquel C. Pico recomenda ler a Jane Austen en galego

A Deputación de A Coruña ten en marcha as Residencias Artísticas Mariñán 2025, con catro proxectos de literatura e pensamento e outros tantos de música. Conversamos coa comisaria destes últimos, Aitana Cuétara e coa artista Ailén Kendelman, que proxecta convertírese en muller orquestra. Dolores Vilavedra comenta a última novela de Suso de Toro «Conta, Sherezade»

Conversamos co flamante presidente da RAG, Henrique Monteagudo, que nos visita no estudio multimedia. Música emerxente con Carlos Crespo

Falamos con tres dos gañadores dos premios María Casares: Xabier Castiñeira (director), Esther Carrodeguas (texto orixinal) e Anxo Outumuro ( actor protagonista). Todos por 'Iribarne', de ButacaZero, que se alzou cun total de nove galardóns. E co noso experto en artes escénicas, Afonso Becerra, afondamos na gran festa do teatro galego

' Botando Leña' con Lamatumbá Conversamos con Toño Iglesias e Sergio Zearreta, de Lamatumbá, que estrea nova imaxe, novos temas e nova identidade gráfica, deseñada pola artista Noa Fernández. Moncho Lemos recomenda dúas estreas para a fin de semana

A vixésimo sexta edición do Salón Internacional do Libro Infantil e Xuvenil de Pontevedra,  aberto ata o 6 de abril, está centrada no cinema e conta con Francia como país convidado.Eva Mejuto é a súa directora. Conversamos con ela e coa escritora Fina Casalderrey Raquel C. Pico lévanos pola historia do cine mudo

‘Cancioneiro galego serodio (1989 2012)’, de Xabier Díaz, é, en palabras do seu autor unha viaxe polo país das mil muiñeiras. Dolores Vilavedra comenta ‘Birken’, de Diego Alfonsín.

Conversamos con Blanca Riestra, autora de  «As augas interiores», unha novela de aventuras e thriller psicolóxico coa protagonista embarcada rumbo a Terranova nun buque de salvamento marítimo que pretende estudar o escenario dun naufraxio . O volume completa a súa “triloxía atlántica” e está publicado por Xerais Carlos Crespo tráenos o traballo primeiro de Montedapena