BiDe OkERreTiK... Zuzen! 5go4f

MUSIKAZUZENEAN JAIALDI AKUSTIKOA Taxuzko jaialdi batek sintonia eder bat behar du, eta guk ere badugu gurea Sormentxulo lagunei esker! Milesker guztiei! ederra pieza! Jon Urbizu -saxoa Ane Urbizu - soiñu haundia Gorka Otamendi - kaxoia Xabier Beldarrain - kongak Zigor Sagarna - baxua Garikoitz Lobregat - esataria Julen Kaminos - ekualizazioa Mikel Zelaia - mastering

0 Saioa! Txapa irratian grabatua. Musikazuzenean irratia!

Bide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`sBide Okerretik Sermond`s

MusikaZuzenean egitasmoak antolaturik jaialdi akustikoa burutuko da Elorrixoko Arriola Antzokian. Euskal Herriko musika eszenan bada formatu txikian jardunean ari diren zenbait musika proposamen. Hein handi batean, oso reperkusio txikia izaten dute, euren musika bidea areto txiki, eta tabernetan egiten dituztelarik ohikoan. Alta, formatu txikiko egitasmoak izan arren, eszena esanguratsu bat osatzen dute, biziki interesgarria, ohiko bideetatik aparte, bide berriak jorratzeko saiakerak eginez. Horiek izango dira, hain zuzen ere, emanaldi honetan bilduko ditugunak. Musikari beteranoak eta sortu berri diren proposamenak elkartuko ditugu. Emanaldi berezia eta errepika ezina izanen da honakoa. Musikari bakoitzak 10 minutuko tartea izanen du bere musika egitasmoa taularatzeko. Aipaturiko musikariez gain, gonbitauak izango ditugu ere oholtza gainean, lankidetza ezberdinak sortuz gau berezi honetarako. Jaialdi Akustikoan parte hartuko duten musikarien zerrenda honakoa izango da: Joseba Irazoki Morau Jon & Sugramas Mursego Anari Sorkun Petti Mery May Moby Dick Azkaiter Pelox Keu Agirretxea Info zabalagoa: http://www.musikazuzenean.com/e2467/jaialdi-akustikoa-joseba-irazoki-morau-jon-sugramas-mursego-anari-sorkun-petti-mery-may-moby-dick-azkaiter-pelox-keu-agirretxea

Azkaiter Pelox izan dugu Txolarre Irratiko estudioetan Argitaratu berri duen disko berria aurkezten. Diskoa entzun eta elkarrizketa sakona izateaz gain, zuzenean entzun ahal izan genituen kantu batzuk.

La Jodedera taldearen kantu bat: kubatar giroak, saltsa, rona, mojitoak, eta perexila!!!!!!

Euskal Herria Palestinarekin Elkartasunez Apirilak 9 Arbizu (Sakana) 20:00 Kiroldegian Stupenda Jones + Estricalla + La Mâquina + Talco + Des-kontrol + No Relax + Hesian

Surfin Kaos taldea izan dugu berriz ere Bide Okerrean. Donostiako hirukoa albiste da egunotan “Goizalde Surrealistak” diskoa kaleratu berri duelako Brian´s Recods diskoetxearen babeseab. Aitzakia hori hartuta, Koldo Soret taldeko abeslari eta gitarra-jotzailea gonbidatu dugu gurera taldearen iraupen luzeko laugarren diskoaz hitz egiteko. Musikalki garapen etengabean, rock&rollaren eremu ezberdinak ukitu dituzte aniztasunez beterik dagoen disko bikainean: Hard-rocka, Psikodelia, Soula, edota Bluesa bezalako musika erak bat egiten dute betiko rock sutsu eta kantu anfetaminikoekin batera. Ordubeteko elkarrizketa mamitsuan disko berria eta taldearen ingurukoak izan ditugu nagusi.

Gaur gaueko irratsaioan, Mantisa taldea izango dugu Txolarre irratiko estudioetan taldearen lehen diskoa aurkezten. Bost urteko musika ibilbidea behar izan dute estreineko diskoa argitaratua ikusteko, baino merezi izan du denbora tarte hau itxarotea. Urte hauetan guztietan zuzeneko emanaldi piloa eta grabaketa txikiak burutu badituzte ere, Gor zigilu nafarrak eman die iraupen luzeko lehen lan hau kaleratzeko bultzada. Musikalki hardcore melodikoaren inguruan abiatu zuten musika bidaia, baina igarotako denboraren poderioz eta musika eragin berrien sartzearekin batera, zabaldu eta handitu egin da taldearen musika era, egun, etiketa bakar baten azpian kokatu ezin delarik Mantisaren proposamena. More info: http://www.myspace.com/mantisa

Cohen taldea izan dugu Txolarre irratiko estudioetan argitaratu berri duten “Subconscious Mind” (auto-ekoizpena) diskoa aurkezten. 2004ean Urnietan sorturiko laukoteak, post-hardcore giroetan kokatzen du bere musika jarduera, non erritmo biziak eta azkarrak giro lasaiago eta energikoekin nahasten diren ekaitza eta barealdiak irudikatuz. Urnieta eta Madrilen artean grabaturiko diskoa, Suedian nahastu eta masterizatu zen Tonteknik Studioetan, non besteak beste Refused edota Poison the Well bezalako taldeekin lan egin duten. Urte hauetan guztietan dozenaka kontzertu eskaini dituzte, tartean Madrilen Berri Txarrak taldearen aurrean jo zutenekoa ere. Gaztetasuna eta indarra bat egiten dute Cohen taldearen musikan, eta “Subconscious Mind” diskoa da aurkezpen txartelik hoberena.

Lauroba taldea izango da gaur gaueko protagonista Bide Okerretik Zuzen saioan. Berriki argitaratu dute “Egunarekin” (GOR zigilua) diskoa, taldearen iraupen luzeko bigarren lana, eta hori izango da gauean burutuko dugun elkarrizketaren ardatz nagusia. Utikan edota Hamaika Bide taldeetan jardun eta gero, Iker Lauroba (gitarra eta ahotsa nagusia) etxean kantuak sortzen hasten da, jolas baten modura, barneko musika arra asetzeko ideia bakarrarekin. Apurka, bakarka abiaturiko musika bidaia itxura hartzen joan zen, lauko taldea osatu, eta maketa bat kaleratu eta gero, lehen diskoa kaleratu zuten 2008an. Lan berri honek, “gauari gauarekin” diskoaren segida kontsideratu dezakegu. Ez bakarrik musikalki, (non eremu berriak ere sumatzen diren lan berrian), bai eta izenburuan ere, non “gauari gauarekin” eraso egin eta gero, “egunarekin” ere pop-rock musika gozo baino indartsuez astintzen duten. More info: http://www.myspace.com/lauroba

Euskal musikagintzaren bidezidorretatik barna Bide Okerra aurrera darrai etengabean. Zuzeneko elkarrizketak alde batera utzi eta BERTSIO GAUAri ekingo diogu saio berri bat burutuz. Hirugarrengoz ospatuko dugu Bertsio gaua gurean, eta bigarrenez, Euskal Rock musika taldeak izango dira protagonista. 70 hamarkadako abeslari eta kantautoreekin abiatu genuen ziklo hau, eta Euskal Herriko Rock taldeak izan ziren bigarren saioan nagusi. Honakoan ere, ari horretatik egingo dugu tira, eta aurreko saioan kanpoan geratu ziren hainbat kantu jarriko ditugu gaurkoan eta besteak beste, M-ak, Itoiz, Su Ta Gar, Balerdi Balerdi, Morau, Anestesia, Bap!!!, Danba edota Hemendik At taldeak pasako ditugu musika irabiagailutik. Entzun eta gozatu!

Never Surrender talde arrasatearra izan da gaur gaueko irratsaioaren zutabe nagusia. 2002. urtean punk-oi! giroetan sorturiko musika taldeak disko berria du kalean, “11 istorio, bROnCKa ta gau ero!” (108 Records), eta hori izanen da, hain xuxen ere, gaurko protagonista. Gaur entzungai izango den elkarrizketa Arrasateko Gaztetxean burutu genuen, eta galderei erantzuten Pottoko (ahotsa) eta Arri (gitarra) izan genituen. Never Surrender taldearen disko berriena ezagutzeaz gain, berriki argitaratu diren diskoei ere errepaso emango diogu saioaren bigarren zatian.

Natural Project taldearen "discontinuidad" diskoa izan da gaur gaueko protagonista. Aitor San Sebastian (bateria-jotzailea) eta Estanis Elorza (ahotsa eta gitarra) izan ditugu estudioan taldearen iragana eta oraina azaltzen. disko berriko zenbait kantu ere entzuteko parada izan dugu. Saioaren bigarren zatian berriz, disko berriak eta albisteak izan dira nagusi gurean.

Azken hilabeteetan jaso ditugun hainbat disko eta maketa izango dira gaur gaueko saioaren ardatz nagusia. Udara begibistan den honetan, diskoen argitaratzea gora egin du gurean, eta labetik atera berri diren lanak ziztatuko ditugu. Era berean, pasaden urtekoDurangoko Azokak utzitako uzta oparo horretatik ere diskoak berreskuratuko ditugu. Zentzu horretan, bi ordutako saio monografiko honetan Doctor Deseo, Piztiak, Desordutan, Lauroba, Memo, Elkano Browning Cream, Natural Poject, The Uski`s, Sagarroi, Joseba Irazoki, On Benito, Gora Gora Kids, Kean, Potemkin, Sorotan Babies, Norman, Siroka, Bide Ertzean, edota Malenkonia izango dira gurekin.

Azken bolada honetan zer esan ugari ematen ari den taldea izango dugu gaurkoan Txolarre irratiko estudioetan: Ze Esatek! Izen xelebre horren atzean, taula gainean hamar laguneko banda biltzen duen taldea topatuko dugu, non musika mestizaia, patxanga, eta musikaz ongi pasa eta aldarrikatzeko gonbitea egiten duten eszenatoki eta oholtza bakoitzean. Berriki, Baga-Biga Musika Ideiak diskoetxeak argitara eman duen iraupen luzeko lehen diskoa izango dugu protagonista, taldeko zenbait kide gure estudioetan izango direlarik, taldearen oraina eta geroaz mintza egiteko.

Gutxi izango dira Joseba Irazokik adinako sortze gaitasuna izan duten euskal musikariak azken urte hauetan guztietan. Gitarrista aparta, asko izan dira lagundu dituen bandak eta bidean grabaturiko diskoak. Bera-ko (Nafarroa) Aduanako entsegu lokaletan sortu eta hazia, bere musika Euskal Herriko zazpi lurraldeetara zabaldu du, parte hartu duen hamaika proposamen eta musika abenturetan: Zup, Maixa eta Ixiar, Petti, Rafa Rueda, Do, On Benito, Atom Rhumba… edota bere izen propioan. Aurrez grabaturiko elkarrizketa izanen da gaurkoa. Pasaden Urtarrilean Donostiako DOKA aretoko kamerinoetan grabatu genuen honako audioa, eta gaur gurera ekarri nahi izan dugu. “Euria ari du” (Moonpalace Records 09) diskoa ezagutuko dugu gaurkoan, diseinu lan eder eta zoragarri horretako zenbait kantu entzuteko aukera ere izanen dugularik. More info: http://www.myspace.com/josebairazoki http://www.myspace.com/moonpalacelovesyou

Esne Zopak egitasmoa ezagutzeko aukera izan dugu gaur gaueko irratsaioan. Xabi Solano eta Zigor DZ izan dira Txolarre Irratiko estudioetan "Esnesaltzailearena" (Gaztelupeko Hotsak 09) diskoa aurkezten. Esku soinua, panderoa eta sanplerrak: Triki Not Dead!

JOK egitasmoa ezagutuko dugu gaur gaueko saioan. Hiru izki horien atzean Jokin Larraza Tolosar musikaria ezkutatzen da. )0 hamarkadan Uncle Mussels taldean aritua, bakarkako bideari ekin berri digu "inoiz baino" diskoa argitaratzearekin batera.

Asteazken gaueko saioan, ANGER taldea izango dugu estudioan “Sedukzioaz” diskoa aurkezteko. Arrasateko laukoa iraupen luzeko bigarren diskoa kaleratu zuen 2009 azaroan Musikherria herri diskoetxearen zigilupean, eta horixe izango da irratsaioaren zutabe nagusia. Arrosa koloreko digi-pack formatuko lan erakargarri baten atzean, musika eztanda oldarkorra eta kritika soziala biltzen da, diskoak barneratzen dituen hamar kantuetan zehar. “Sedukzioaz” laneko zenbait kantu ere entzun ahal izango dira gaurko saioan gaueko bederatzietatik aurrera. More Info: http://www.myspace.com/angersarean http://angerweb.net/