Mi Candelita con Fran Heras - Panes y Llobos con Ernesto Díaz 1d4o2q

Comenzamos el programa falando con Fran Heras, del restorán Mi Candelita. Ún de los referentes del arroz d'Asturies allugáu na mesma sablera de Bañugues. Una cocina que paez mediterránea, pero que mira al Cantabricu que lu chisca Vamos falar amás con él del Llamber, ún de los primeros "gastrochigres" qu'abrieron n'Asturies, de xuru qu'adelantáu al so tiempu. Y de los dos restoranes, qu'amás de Mi Candelita, caltién anguaño en Barcelona: Llamber y El Chigre 1969.  Una bona charra al rodiu la gastronomía.  Acabamos falando con Ernesto Díaz, consultor mediambental, qu'escribió va pocu un artículu pal periódicu Nortes falando del pan d'Asturies. Falaremos de la cultura del pan, de porqué comimos tan mal pan nos restoranes asturianos y de cómo adulces vamos recuperando la calidá. Amás, como consultor, ye una fonte de sabiduría del tema del llobu, así que vamos aprovechar la ocasión p'afondar nesti tema.  3q6j2k